مش هو ده صاحب القصة لكن بينهم شبه في الوجه الممزوج بعزة النفس وقوة الشخصية رغم الظروف القاسية من حولهم
هـــو ...حارس بناية باكستاني الجنسية في مدينة جدة بالسعودية
يعني بالمصري بواب
يقترب من السبعين إذا لم يكن تخطاها
مشدود القامة
نظيف الملبس
أظافر يديه وقدميه نظيفه مما يدل على إهتمامه بنظافته الشخصية كما نصحنا ديننا الحنيف
تنبعث منه رائحة عطر منتشر بالسعودية ويباع أمام المساجد بعدة أنواع
عند مروري من أمام غرفته كنت ألمح جزء من الفراش والمنضدة مرتبين منظمين رغم رقة الحال
في غرفة الطهي ( المطبخ الخاص به ) كان يقوم بطهي طعامه بنفسه بهمة ونشاط ونشتم رائحة طيبة
وكنت أرى على ملامح وجهه دائما علامات الهدوء والرضا والسماحة
عمله له مواعيد :
ـــــــــــــــــــــــــــــــــ
غسل السيارات بعد صلاة الفجر
جمع القمامة الساعة التاسعة تماما وياويلها اللي تحط الكيس في أوقات مخالفة أو مفتوح أو بلا هذا الكيس الأسود البلاستيكي فعلى الفور ينبهها بمنتهى الأدب والحزم معا ( فهو قوي الشخصية وعنده عزة نفس وكرامة لابد أن تكون عند كل مسلم )
موعد غلق باب البناية في الساعة الثانية عشرة مساءا ولا يستطيع أيا كان مخالفة ذلك لأن هذا وقت نومه
********************
كنت أراه دائما حامل لكتاب الله يقرأ منه في الأوقات التي تخلو من العمل
في مرة رأيته يجلس تحت ظل شجرة مع إثنان من معارفه أو أهله الله أعلم ومعهم نصف حبة حبحب ( أي بطيخ ) وكان يبدو سعيدا جدا بهذه الجلسة البسيطة
في يوم توجه إلى زوجي بالحديث ناصحا له :
ــــــــــــــــــــــــــــــــــــــــــــــــــــــــــــــــــــــــــــــ
إجعل زوجتك دائما ملتزمة بالحجاب والتفت لي قائلا إياكي وتغيير نظام ملابسك والتزمي بالحجاب
( طبعا بيتكلم بلغة عربية مكسرة ) فهو باكستاني الجنسية على ما أعتقد
في يوم آخر كان يقف مع السباك لإجراء صيانة بالشقة عندنا
نظر إلى إبني وقال :
ـــــــــــــــــــــــــــــــــــــــــ
لا بد أن تحفظيه القرءان
لا تعطيه مشروب الشاي أبدا
الطفل يشرب الحليب فقط والأكل بمواعيد مظبوطة يوميا
وبالنسبة لكِ تشربي الشاي مرة واحدة يوميا مخلوطا بالحليب فأنا أفعل ذلك مرة واحدة يوميا للحفاظ على الصحة من مساويء الشاي
طبعا بالنسبة لجسمه فهو مظبوط في وزنه لا هو بالممتلىء ولا هو بالنحيف
في يوم من الأيام ولا أنسى ماسمعته منه هذا اليوم ومن أجله كتبت هذا الموضوع
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كنا متوجهين لركوب السيارة
فتوجه إلينا بالحديث ناصحا بالإلتزام بالصلاة والحجاب وحفظ القرءان لإبني
وقال هذه الجملة:
ـــــــــــــــــــــــــــــــــــ
أنا إذا فيه موت باشر أنا ريدي
يعني أنا إذا هيجيني الموت بكره أنا مستعد
الجمله دي زلزلتني
ياااااااه
إنسان مسلم غير آبه بالموت بل وينتظره بلا خوف
إحنا مرعوبين من الموت ولو جت سيرته نقول بعيد عننا بعد عمر طويل الشر بره وبعيد إلى آخر هذه العبارات
تساؤلاتي لكم كثيرة ومنها:
ـــــــــــــــــــــــــــــــــــــــــ
إنتم زي الراجل الطيب الفاضل ده ؟
هل إنتم حياتكم مرتبة ومنظمة مع مواقيت الصلاة مثله ؟
ملتزمين في حياتكم بكل أوامر الله وتتقوه في كل قول أو فعل أو عمل ؟
أنا فعلا رأيت هذا الرجل عظيما
وأقسم بالله لو جعلوني أختار شخصية محترمة ونموذج للمسلم الصحيح ووضعوه مع أمراء وملوك سوف أختاره
ربنا يبارك له في صحته ويثبته لو كان مازال حيا
ويرحمه ويعفو عنه ويوسع عليه قبره لو كان توفاه الله وذهب للقاء ربه الذي كان متشوقا إليه بلا خوف ولا وجل
لو لخصنا كل ما سبق سوف نجد الآتي:
ـــــــــــــــــــــــــــــــــــــــــــــــــــــــــــــــــــــــ
1 - المسلم لابد أن يكون نظيفا مرتبا
2 - الإهتمام بتنظيم حياتنا مع مواقيت الصلاة
3 - الإهتمام بصحتنا ووزننا لأن ذلك يساعدنا على الحركة بسهولة ونشاط
4 - جعل وجبات الطعام لها وقت نلتزم به يوميا لأن ذلك مفيد جدا لصحتنا
5 - الإبتعاد عن شرب المنبهات لأضرارها المختلفة
6 - الإهتمام بأولادنا والعمل على تحفيظهم القرءان منذ صغرهم
7 - لا بد ان نهتم بأن يكون لنا يوميا ورد من القرءان ونحتفظ معنا بالمصحف في كل مكان للقراءة منه لو تيسر لنا
8 - الإستيقاظ قبل الفجر ولو بنصف ساعة لصلاة القيام ولو ركعتين يزدادوا بعد ذلك بالتعود
9 - الصلاة دائما في ميقاتها ولا تجعلوا شيئا يؤخركم عنها حتى لو كان العمل وتأكدوا أن بالتعود تستطيعوا أن تؤدوها وتجبروا من حولكم على تقبل هذا الوضع حتى ممكن أن تصلوا داخل مكان العمل في جماعة وتكسبوا ثوابها
10 - تقوى الله في كل قول أو عمل بمعنى إن نلتزم بأوامره ونتجنب نواهيه
11 - لا تنظروا للناس بفقرهم أو غناهم ولكن بتقواهم وأخلاقهم
12 - كونوا دائما عاملين على أن تكونوا في صورة مشرفة أمام الآخرين لأنكم مسلمون وتمثلوا هذا الدين وتعبروا عن أخلاقياته بتصرفاتكم فانتبهوا دائما لأن تكونوا واجهة مشرفة للإسلام فيما بينكم وبين بعض وفيما بينكم وبين الآخرين
13 - المسلم الحق قوي الشخصية بلا غلظة حازم في أدب ليس بالمتسول ولا بالذليل ولا بالكسير النفس خلقه الله حرا أبيا صاحب كرامة فلا تضعوها تحت أرجلكم
في انتظار آرائكم وتعليقاتكم
دمتم سالمين بحفظ الرحمن وأمنه
السلام عليكم
ReplyDeleteاختى الغاليه بارك الرحمن فيكى و فى هذا الرجل و من مثله ..
حقيقى بوست رائع و شخصيه رائعه لرجل مسلم احيكى على هذا النموذج الرائع لرجل مسلم اتمنى ان يكون قدوه لنا جميعا .. بارك الرحمن له و بارك فيكى اختى الحبيبه و جزاكى كل الخير
تحياتى
يا سلام
ReplyDeleteازهلتيني بالموضع
اقسم بالله انا في زهول
الله يرحمه حي وميت
فكرتيني لما عمرو خالد قابل شاب في الحج وسأله انت بتحج عن نفسك؟
فقال له انا احج عن ابن حزم الأندلسي لأنه مات ولم يبلغه الله حجة
فقلت ساعتها ان الله يسخر العباد جنودا كأسباب رحمة لمن يرضى عنهم من عباده الصالحين
وكذلك هذا الرجل سخرك الله له لتكوني سببا في دعاء له
اللهم تقبله قبولا حسنا
وارض عنا ولا تفتنا
اللهم سخر لنا النفس العاصية
وألجمها بلجام الإيمان
امين امين امين
بسم الله ما شاء الله
ReplyDeleteفعلا نموذج جميل جدا يا خالتو
تسلم ايدك على البوست الرائع
أختي الغالية التي أحببتها دون أن أراها روفي
ReplyDeleteجزاكي الله كل الخير على كلماتك الطيبة ودعائك الصادق
أنا سعيدة إنك بتدعي لهذا الرجل الطيب
والله ياروفي أثناء كتابتي عنه بالأمس كانت أحشائي ترتجف
تذكرت كلماته التي نطقها بقوة الإيمان وبحب المسلم العابد لربه والملتزم الذي يستطيع الذهاب للقاء ربه وهو قائل له لقد فعلت كل ما أمرتني به يا حبيبي فتعطف عليا بما وعدتني به
وأحسست بضآلتي أمام هذا الإيمان الجميل
ربنا يقدرنا جميعا أن نعمل ما يحبه ويرضاه منا ويتقبلنا عنده بقبول حسن اللهم آمين آمين آمين
مرورك بمدونتي عطرها ونورها يا روفي
أحبك في الله
موضوع راااااااااااااااااائع
ReplyDeleteايه الراجل ده
من كلماتك عنه فعلا الواحد يحس فيه بالكبرياء على الرغم من ضيق حاله
بجد ربنا يكرمك فعلا حيا كان ام ميتاً
وياريت كلنا نقدر ننظم وقتنا ونلتزم مثله
ياريــــــــــــــــــــت
حبيبتي ستيتة
ReplyDeleteوالله أنا كمان مذهولة وسعيدة من قصة هذا الشاب الفاضل الذي يحج عن ابن حزم الأندلسي عليه رحمة الله
ربنا يبارك فيه ويجزيه خيرا ويجعل له نصيبا من عمله الصالح الجميل الطيب
ويجزيكي أنتِ أيضا خيرا للدعاء لهذا العجوز الفاضل
مرورك نورني
أحبك في الله
حبيبتي توته الكتكوتة
ReplyDeleteأهلا بيكي منوراني ومفرحاني بتواجدك الجميل
أنا تسلم إيديا على البوست وانتي يسلموا عيونك على قراءتك ليه
خدي بالك من نفسك وذاكري يا حبيبة خالتو علشان نفرح بنجاحك كلنا
بحبك قوي قوي
حبيبتي إيدي الرقيقة
ReplyDeleteأنا سعيدة إن القصة دي خلتك تقولي ياريت نعمل كده
كويس إننا نعرض على بعض النماذج الطيبة الصالحة دي ونحاول نقتدي بتصرفاتهم
مش نقول ياريت ومانعملش حاجه
لا لا لا لازم نحاول حتى لو فشلنا والشيطان ضايقنا وبعدنا برضه نحاول تاني ونرجع من تاني
ربنا يوفقك في امتحاناتك وينجحك ونفرح كلنا بالنجاح والأجازة
فين باقي قصة نور ؟ هههه
بحبك يا إيدي
مهمه جدا الامثله دى فى حياتنا
ReplyDelete(واعتبروا ياأولى الابصار
جزاك الله كل خير)
أختي الفاضلة الفراغ
ReplyDeleteفعلا نماذج وأمثلة مهمة جدا كي نحاول الإقتداء ومحاكاة الأعمال الطيبة الصالحة
مرورك نور المدونة
أحبك في الله
جميل هو ديننا
ReplyDeleteلايشترط ممن يعطيك رسالة ربانية او يذكرك بشئ مفروغ منه ان يكون صاحب علم أو جاه بل عليه ان يكون قدوة للاخرين بتصرفاته وتوجيهاته المهذبة
وجميل منك غاليتى ان تظلى تتذكرين هذا الرجل المسلم رغم اختلاف جنسيته وبُعد مكانه
ربنا يعزك ويجازيه عن افعاله خير الجزاء
واله انت كمان لازم تكوني ست عضيمة علاشان تشوفي الناس بالطريقة دي و تديهم قمتهم
ReplyDeleteالله يحفضك على المواضيع المهم اللي ديما بتفدينا بيها
ربنا يرحمة ويغفر له
ReplyDeleteويتقبل منه صالح الاعمال
اذا كان حى او ميت
هو وجميع المسلمين
جميل ان فى حد لسة كدا
والاجمل انه يأثر فيكى وتتذكرية بكل خير
ربنا يبارك فيك
انا ممكن اكون ملتزمة
وبحافظ على النظام والنظافة
ليا ولبيتى ولبنتى
بس للاسف مش للدرجة دى
لست مستعدة للموت
هو قضاء الله وقدرة ولكنى اخشى الله
اخشى يوم الحساب يوم العرض عليه
اللهم انك عفو تحب العفو فعفو عنا
جزاك الله خيرا يا مصرية
تقبلى مرورى
أمة الله حبيبتي الغالية موناليزا
ReplyDeleteفعلا ملحوظتك صحيحة
أنا بتعلم أوقات من ناس يختلفوا عني في العلم والثقافة والمركز الأدبي
لا أخجل أو أتكبر من التعلم من شخص بسيط ودائمة التحدث مع كل المستويات ودائما أحصل على إستفادة
أستمتع بالحديث مع كبار السن لأن كلماتهم ممزوجة بالحكمة والخبرة
زيارتك لمواضيعي وتعليقاتك تثريها
ربنا يخليكي ليا ومايحرمناش من أخوتنا
أحبك في الله
حبيبتي نكهة المغرب
ReplyDeleteسعيدة لاستفادتك من مواضيعي
ربنا ينفعك بيها
نورتيني بمرورك يا أحلى نكهة مغربية
أحبك في الله
حبيبتي نونو
ReplyDeleteربنا يفيدك بهذا الموضوع وبالمواضيع المشابهة
إحنا لازم دايما نذكر بعض بالتصرفات الصحيحة ونساعد بعض علشان تصرفاتنا في حياتنا تبقى نافعة لنا في الدنيا وفي الآخرة
ربنا يبارك فيكي على دعواتك الطيبة ويكون لكِ منها نصيبا بالمثل
أحبك في الله
عنجد راجل عظيم جدا
ReplyDeleteمميزاته وعزة نفسه وحبه لنظام وتدينه
خلتني احترمه واحسده على اخلاقه الطيبة
فعلا دا مثال رائع للراجل المسلم
ربنا يخليكي ويباركلك عالبوووووسة الهايل
عنجد بوست هايل
جزاكي الله كل خير
دمتي بالف خير
انا مبسوطة ان ستوتة عرفتنا على مدونتك يا مصرية
ReplyDeleteوحقيقي المسلم بيبقي واجهة مشرفة لدينة ولبلدة لو اهتم بأخلاقه وتصرفاته وهيئته ومعاملته مع الناس
فعلا يا نوارة أنا أغبطه على تحليه بهذه الصفات وعلى عقله الذي حعله يتفهم الحياة بشكل صحيح
ReplyDeleteفقد عاشها له أبناء وأحفاد
عمل حتى وهو كبير السن
كان يأكل ويشرب وينام ويعمل ليحصل على أجر
وعبد ربه
وتحلى بأخلاق الإسلام
هذه هي الحياة لا أكثر ولا أقل
مرحلة نتزود فيها للمشوار الطويل
مرورك بمواضيعي بينورها يا نوارة المدونات
ربنا يحميكي ويطمن قلبي عليكي
دمتي سالمة يا حبيبة خالتو المصرية
أهلا منوش
ReplyDeleteعضوة جديدة تنضم لعائلة المدونات الذين أتابعهم
اللي بيزورني بيبقى من العيلة على طول
مرورك وتعليقك أسعدني
وخصوصا أن الجزئية التي ركزتي عليها هامة جدا جدا
شكلنا قدام الناس
من هم المسلمون بالنسبة للآخرين ؟
كيف يرونا ويقيمونا ؟
هذه مسئولية كبيرة تقع علينا لإعلاء شأن ديننا وبالتالي شأننا أمام الآخرين
ولنتذكر دائما أننا إذا طلبنا العزة بعيدا عن إسلامنا حصدنا الذل والمهانة
هضيف مدونتك وأتابع كتاباتك بإذن الله يا منوش
دمتي سالمة بحفظ الرحمن وأمانه
فعلا ماشاء الله موضوع جميل جدا ربنا يجعله في ميزان حسناتك
ReplyDeleteوربنا يرحمه ويغفر له حي او ميت يارب
وذكرك ليه ده ولكلامه ممكن يكون رحمه ليه
فسبحان الله يمكن ربنا جعل معرفتك بيه سبب
ف ان البوست ده يكتب واحنا مكان نعرف شخصية نادرة
وكلنا نفتكره بالدعاء
جزاكي الله خيرا
تحياتي ,,
مش عارفه التعليق هيوصلك ولا لا
ReplyDeleteبقالى يومين بحاول اضيف تعليق عندك ومش بيدخل
مش عارفه العيب فى ايه؟
المهم انا سعيدة قوى ببكى
وبمدونتك وتاملاتك القيمة دى
سجلنى زائر دائم
اول زياره لمدونه حضرتك.....بدعوه من د.ستيته....وموش هتكون اخر زياره.....عارفه المسلم الحق لا يخشى لقاء ربه....بل يتمناه....لان ذنوبه قليله وثقته فى رحمه ربه كبيره
ReplyDeleteدمتى بخير ....تقبلى مرورى
السلام عليكم
ReplyDeleteبسم الله ما شاء الله .. ربنا يبارك فيه ويكثر من امثاله ..
كثيرا ما نقول ونسمع ان القدوة الفعليه تعطي تاثير اكثر من الكلام وها هو فعلا حضرتك شوفتي مواقف وتصرفات تدل انه فعلا انسان ملتزم ومتدين فعلا وبالرغم انه انسان بسيط الا انه لفت انتباه الكثير ليه بنظافته وحسن سمته وحسن خلقه وكلامه ونصايحه وكما قال الله عز وجل
( اٍن اكرمكم عند الله اتقاكم) ربنا يصلح حالنا واحوالنا ويرزقنا حسن الخلق وحسن السمت ويهدينا جميعا اٍلي ما يحب ويرضي
جزاك لله خيرا .. ونفع بك ..
سبحان الله
ReplyDeleteيارب اجعلنا ممن ينطبق عليهم قول الله
لقوا الله بقلب سليم
يارب يرزقنا هذا القلب آجمعين
مقال يخلينا نتعلم كتير قوي
ربي يبارك فيك يا مصرية
إلى قلب أرهقته الأحلام
ReplyDeleteأهلا بيكي نورتيني
الحمد لله إني قدرت أنقل موضوع جوايا شاغلني من 15 سنة وسيظل
لأن الجملة اللي قالها الراجل الطيب ده لازم تكون شغلنا الشاغل كلما تفكرنا في الجنة وتمنيناها
أنا أضفت مدونتك عندي وهتابع كتاباتك بإذن الله
دمتي سالمة
أهلا بالست فرويد
ReplyDeleteمنوراني يا جميلة
أنا سعيدة بتواصلنا
والتعليق مش بيظهر لأني عاملة رقابة على التعليقات ومش بتظهر إلا لما أقراها الأول
في انتظار الجديد من كتاباتك
دمتي سالمة
أهلا بفتاة الصعيد
ReplyDeleteمنوراني إنتي وكل وجه قبلي
يارب تكوني من أسوان علشان أنا بحبهم قوي
سعيدة بزيارتك
جملتك جميلة لأن فعلا المؤمن الصحيح الحق هو من لا يرتكب المعاصي التي تخيفه من لقاء الله
ربنا يجعلنا كذلك ويقدرنا نعمل كل مايحبه رب العزة ويرضيه علينا اللهم آمين
أضفتك مدونتك وسأكون من المتابعات لكتاباتك بإذن الله
دمتي سالمة
أهلا حبيبتي ماما نور
ReplyDeleteربنا يتقبل دعائك ويجعلنا ممن يقابل الله بقلب سليم لا يخشى عقابا ولا نارا لتقواه لربه في دنياه اللهم آمين يارب العالمين
نورتيني يا أجمل نور
دمتي سالمة
أهلا غربتي
ReplyDeleteأنا سعيدة جدا لكم الدعوات اللي بإذن الله هتكون مستجابة لهذا الرجل الطيب
ربنا يجعلنا جميعا من أكرم الناس عند الله ونكون من الأتقياء المعتوقين من نار جهنم
أضفت مدونتك عندي يا غربتي وبإذن الله أكون من المتابعات لكتاباتك
دمتي سالمة
اتمني اتجوز واحد زيه
ReplyDeleteاتمني اكون بنته
اتمني اكون حفيدته
اتمني اكون زيه....
الراجل رده انا حبيته من غير ما اشوفه
اللهم لا تجعل مصيبتنا في ديننا
واقول دايما
" لو فيه اموت بكره انا ريدي"
تسلمي ويسلم اسلوبك الرائع فانا ايضا رايته عظيما
غاليتى الجميلة
ReplyDeleteوصلنى تعليقك وفيه الايميل بتاعك بس انتِ ماقولتليش انشره عادى ولا بلاش عشان فيه ايميلك ياريت تعرفينى وانا مش هنشره غير لما تقولى
ومن عينيا ياحبيبتى هبعتهولك حاضر
انتِ تؤمرى
بس أنتِ ليه عايزاه على الايميل؟
ميمي الجميلة
ReplyDeleteعلى فكرة إسمك غالي عليا علشان اسم مامتي الله يرحمها ويطول بعمرك يا حبيبتي
إنتي عبرتي بشكل بريء جدا عن إحترامك لعمنا الطيب ده
وتعليقك عجبني خالص
ربنا يطول في أعمارنا حتى نعمل ما يحبه الله ويرضاه منا ونقدر نقول للموت إحنا ريدي
أحبك في الله
أهلا يا ليزا
ReplyDeleteعايزاه على الإيميل علشان إنتي مانعه النقل ومش هقدر أعمل كوبي وبيست
وانشري عادي
بس لو عندك طريقة غير الإيميل أسهل عرفيهالي
شكرا لاهتمامك
أحبك في الله
الف الف مبرررررررك
ReplyDeleteزوري اللينك ده ......... وانت تعرفي
يارب اكون اول المبشرين ليكي
أختك في الله ... ميمي
http://advsarab.blogspot.com/2009/05/blog-post_30.html?showComment=1243640467064#c1185598463335206973
أهلا حبيبتي أم إسم جميل
ReplyDeleteإيه المفاجأة الحلوة دي على الصبح
أنا مكسوفة خالص
ربنا يجعل الإختيار ده فرصة للدعاء لهذا الرجل الطيب
مبروك ليكي يا ميميكا
إنتي فعلا موضوعك كان رهيييييييييب وضحكني من قلبي
عايزة أروح أقرا باقي قنابلك الكوميدية
ربا يبشرك دايما بكل الخير ويفرح قلبك
أشكرك على اهتمامك بيا وبإبلاغي
أحبك في الله
:) حبيبتى الجميلة انا عارفة انه ماينفعش بس انا قصدى هتعملى بيه ايه على الايميل اذا كان هو موجود على مدونتى وممكن تقرأيه فى أى وقت
ReplyDeleteاعتبريه فضول منى:)
بحبك فى الله:)
هعمل بيه إيه ؟
ReplyDeleteغريبه السؤال
أكيد مش هنشره بإسمي يا موناليزا
مجرد موضوع عجبني ومش كل ماهعوز أقراه أفتح مدونتك
وأنا بحتفظ بالمواضيع القيمة في إرشيف خاص بالكومبيوتر
ومنها مواضيع برجع ليها لما بحتاج لمعلومة أو بكون محتاجة أقرا كلام إخترته واقتنعت بيه
وعلى فكره فيه ناس بيبعتولي افتح المنع ينقلوا مواضيعي ويقروها براحتهم وبفتح المنع فعلا وأغلقه تاني
على العموم إنسي الموضوع خلاص وبجد لا ترسليه لأني مش هحتفظ بيه خلاص
دمتي سالمة
ايه ده انتى زعلتى ليه؟
ReplyDeleteمجرد استفسار عادى
ولو مش عايزة ابعته كان ممكن ارفض بكل بساطة
ليه مستغربة من سؤالى
يمكن لانى مش مرتبطة اوى بالايميل بتاعى وقليل لما بفتحه فعشان كده مفكرة ان الغالبية زيى
وليه مافكرتيش انى ممكن اكون عايزة اتعلم حاجة جديدة باستخدام الايميل غير الارسال والا ستقبال
حقيقى اسفة ماتوقعتش انك هتزعلى
وعموما انا كنت جاية اقولك ان الياهو مش راضى يفتح وده ممكن يأخرنى عليكِ
لكن دلؤتى وبما انى زعلانة من رد فعلك مش هبعته بجد غير لما تجيبيلى ايس كريم فى بيت العز:)
وبما إني كنت مقموصة ومحرجة علشان افتكرت إني طلبت حاجه غاليه عليا
ReplyDeleteوبما إنك زعلتي ودبستيني في آيس كريم
يكون في علمك من هنا ورايح طالما بتكتبي كلام جميل ومميز هغلس عليكي واطلب حاجات كتير
هجيبلك الآيس كريم آهو في بيت العز
تعالي هناك
موااااااااه
جزاكى الله خيرا
ReplyDeleteوجزاه
ورحمه حيا او ميتا
وجزاكي الله خيرا يا سبهللة وبارك فيكي على الدعاء
ReplyDeleteعايزاكي تنوريني بمرورك دايما
دمتي سالمة بحفظ الرحمن وأمانه
مبروووووووووووك ياخالتوو
ReplyDeleteرشحت موضوعك وفااااز بالمركز الاوللللللى
هيييييييييييييييييييه
تستاهلي ياقمر عالبوست الجامد
امووووووووووووواه
http://advsarab.blogspot.com/2009/05/blog-post_30.html
ربنا يبارك لك
ReplyDeleteويجعله في ميزان حسناتك
ودايما بطلع من عندك محمملة بالكثير من الهدايا
ربنا ينفعنا بيها وبيكي ان شاء الله
وحشاني
نوارة حبيبتي
ReplyDeleteتسلميلي ويسلملي الترشيح اللي أسعدني وأحرجني ده
شكرا ليكي يا حبيبة خالتو
ويارب أكون أستاهل فعلا
وحشاااااااااني
سوبيا حبيبتي
ReplyDeleteفينك يا بنت يا شقيه
غطسانه من زمان خالص
بارك الله فيكي ودايما يارب أهاديكي بهدايا تفيد وتفرحك
موااااااااااه
السلام عليكم ورحمة الله وبركاته
ReplyDeleteيعطيكي العافيه خالتوا
وجازاكي الله الف خير
بجد الدنيا هاي
قل فيها الملتزمين
الا من رحم ربي
اللهم اجعلنا
من عبادك الصالحين
تحيـــأتي
المصربة
ReplyDeleteايه الجمال دا كله
بوست رائع
سلمت يداك
النصائح الغالية هذه
المفروض تعلق فى المدارس والشوارع
ليتعظ منها كل من يسهوا
عن دين الرحمن
رحم الله ذلك الرجل الصالح
واسكنه فسيح جناته
حيا وميتا
تقبلى مرورى
البنوتة الصغنتوتة الجميلة إيمان روحي
ReplyDeleteربنا يبارك فيكي ويجعلك من الصالحات
كلامك أكبر من سنك يا كتكوتة ربنا يحميكي ويقدرك دايما على طاعته
أحبك في الله
مستورة حبيبتي
ReplyDeleteوالله فكرتك حلوة لأن التعود على قراءة الملاحظات الهامة دي هيخليها تنغرس داخل العقول وخطوة بعد خطوة يصبح العمل بها بسيط وسهل
وزي ما اتعودنا على رؤية إعلانات الراقصة اللولبية والفنانة الجهنمية نتعود على النصائح الغالية
مرورك بمواضيعي بيسعدني
دمتي سالمة بحفظ الرحمن
حبيبتى المصرية
ReplyDeleteسامحينى على تاخيرى فى التعليق على هذا البوست الرائع
والله انا قراته من قبل ستيتة ماتعلن عنه
وعجبنى جدا شخصية هذا الرجل الرائع
والذى الهمك الله ان تكتبى عنه حتى تصله كل هذه الدعوات الطيبة والتى يكون لكى ولاصحابها مثلها
عطل الجهاز مع بعض الانشغال هو اللى اخرنى عن المرور والتعليق فتقبلى عذرى
ودمتى بخير
ما شاء الله
ReplyDeleteأول زيارة لى للمدونة و عجبنى جدا جداااا المعنى و الكلام اللى حضرتك ذكرتيه
ماشاء الله ، ربنا يرزقنا جميعا الثبات على الحق
أشكرك على البوست الأكثر من رائع
وفقك الله لما يحب و يرضى
جزاك الله خيرا
أم مالك حبيبتي الجميلة
ReplyDeleteزيارتك بتشرفني وتعليقاتك بتسعدني
تعرفي إن الموضوع ده تم ترشيحه أول موضوع فائز هذا الأسبوع من ضمن خمس مواضيع
أنا اتفاجئت وفرحت قوي
ربنا يجعل دعائك مقبولا وفي ميزان حسناتك
في انتظارك دايما يا أجمل أم مالك
دمتي سالمة بحفظ الرحمن
أهلا بالدكتورة نهى
ReplyDeleteنورتيني وشرفتيني بزيارتك
إيه الجمال ده بقى؟
دكتورة ومدربة تنمية بشرية ؟
ماشاء الله لا قوة إلا بالله
أنا بعشق المجال ده جدا
عندي مدونة تهتم بهذا الموضوع ياريت تزوريني فيها وأعرف رأيك
ده اللينك بتاعها
ــــــــــــــــ
http://awakeyourabilities.blogspot.com/
ياريت ماتكونشي دي الزيارة الوحيدة أنا منتظراكي دايما
أضفت مدونتك عندي وهتابع كتاباتك بإذن الله
دمتي سالمة بحفظ الرحمن
السلام عليكم ورحمة الله وبركاته
ReplyDeleteبوست قطع فيا بجد
الراجل ده ملامحه بس تكفى تقول الف جمله والف موعظة
يارب نبقى زيه ويلحقنا ويلحقك واياه بالصالحين ويجعلنا اللهم من عباده المخلصين
:)
دومتى جميلة القلب واللسان
تقبلى مرورى
أميرة
(ملكة بحجابى)
أمورتي الحلوة
ReplyDeleteكلماتك رقيقة وجميلة زيك وزي حجابك
ربنا يستجيب لدعائك ونتجمع كلنا في الجنة ونفكر بعض بالأيام دي
اللهم آمين
دمتي سالمة بحفظ الرحمن وأمانه
اولا سامحني اني اتأخرت عليك انت عارفة مشاغل الامتحانات يا قمر
ReplyDeleteاما بقي التدوينة فلديك اسلوب رائع يجعلنا نري من تكتبين عنه صورة جميلة نرجو ان تمتليء بها مجتمعاتنا
دمت بخير
أهلا حبيبتي أم أحمد بنت حبيبتي أبلة فاطمة اللي متهيألي مافيش حد يقرا عتها إلا لما يحبها
ReplyDeleteربنا يوفق ولادك وولادي وأبناء المسلمين جميعا وينجحوا بتفوق ويفرحوا ويفرحونا
سعيدة بمرورك وإعجابك بالنموذج الطيب ده
وبدعي معاكي إن مجتمعاتنا تتكون من ناس محترمين وطيبين ومسلمين بجد
دمتي سالمة بحفظ الرحمن
وبوستين وحضن كبير ليكي ولماما
تدوينه جدا رائعه
ReplyDeleteفعلا في نماذج في الحياه
تستوقفنا لتحفر اسمائها في ذاكرتنا
جميل جدا طرحك
تميز بالاختيار :)
خالتو حبيبتي
ReplyDeleteبصراحه النموذج دا انا شفته فعلا ومصري كمان
الله روحه بتكون حلوه اوي ومريح جدا في الكلام اما عن سؤالك فاكيد موش وصلت للدرجه دي لكن ربنا العالم اني بحاول اني اقرب له بكل قدرتي
وحشاني ياخالتو
أهلا أقصوصة
ReplyDeleteفعلا نماذج بتتحفر جوانا ومستحيل نسيانها لأنها كان لها أثر في حياتنا
ولعلمك النماذج المؤثرة في حياة الإنسان ممكن تكون إيجابية أو سلبية
ربنا يبعد عنا النماذج السيئة ويصلح أحوالنا دايما
نورتيني يا أقصوصة بزيارتك
في انتظارك دوما
السلام عليكم ورحمة الله وبركاتة
ReplyDeleteكيف حالك يا قمر ؟
وحشتينى جدا
موضوع وراجل بجد حكاية جمدة جدا
والله بجد لو كل المسلمين عقلين كدا
كان بقى حالنا غير كدا بالمرة
دمت بالف خير حبيبتى
ربنا يباركلك
إيه القطط الجميلة اللي هلت على مدونتي دي؟
ReplyDeleteازيك يا كركورة؟
عاملة شقاوة إيه النهاردة؟
مشألطة مين من أصحابك ؟
إنتي عسولة خالص ولما بيكون مزاجك رايق الحس الكوميدي عندك وخفة الدم بتظهر في الإكسبريشنز المستخدمة
أنا سعيدة بزيارتك وسعيدة إن النموذج عجبك وإنك شفتي زيه في مصر
ولو بقينا كلنا كده يا كيارا تأكدي إننا هنكون القوة الأعظم في العالم كله
بحبك قوي
حبيبتي أم سلمى
ReplyDeleteوحشاني خالص
يارب تكوني بخير وسلومة الكتكوتة تكون بصحة وسلامة
بتتكلمي عن العقل يا أختي الفاضلة ؟
هو فيه قد إيه بيتعاملوا بالعقل؟
والله أنا بتحصل مواقف قدامي بتفاجيء فيها بناس يتصرفوا كالأنعام بلا عقل
حاجه توجع القلب والأعصاب
والسبب البعد عن الدين لأن بالتجمع حول كتابنا الكريم تزداد قوتنا وشوكتنا وبكده نتحول إلى قوة لا يستهان بها
مين عارف يمكن في يوم من الأيام تتحقق المعجزة
نورتيني بزيارتك
ودمتي سالمة بحفظ الرحمن
موضوع رائع
ReplyDeleteربنا يجعلنا زى الراجل ده ونكون معاه فى الجنه باذن الله
ربما تكون زيارتى الاولى للمدونه
فاتمنى ان تتقبلى مررورى
فينك اختى الغاليه ..
ReplyDeleteننتظر الجديد ..
ادعوا الله ان تكونى بخير حال
تحياتى
قلقتينى عليكى ..
ReplyDeleteادعو الرحمن ان تكونى بخير حال
ياريت تطمنينى عليكى
غايبة بقالك فترة لعل المانع خير ان شاء الله وحشتينا
ReplyDeleteحبيبتى المصرية
ReplyDeleteفينك وحشتينى كثير
داخلة علشان اطمن عليكى
ويارب يكون المانع خير
ياريت تكتبى اى حاجة تطمنى
بجد بجد لكى وحشة
تحياتى
من فضلك طمنينا عليكى
ReplyDeleteياارب تكونى بخير
ربنا يطمنا عليكى
فينك مختفية بقى لك فترة لعل المانع خير؟
ReplyDeleteالسلام عليكم
ReplyDeleteبقالى فترة مش شيفاكى
يارب تكونى بخير
وتطمنينى عليكى
انتي فييييييييين ياخالتو ؟؟؟
ReplyDeleteبوست جميل اوى
ReplyDeleteو ياريت كل الناس تبقى زيه و عايشة حياة منظمة و متربة بالمنظر ده
يا رب تكونى بألف خير
ReplyDeleteياريت تطمنينا عليكى
و على فكرة انا شفت المدونة التانية ، جميلة جدا جدا ما شاء الله
دمت بكل خير
فى انتظارك
عزيزتى
ReplyDeleteافتقدك
اين انت ؟
اتمنى من كل قلبى ان تكونى بخير
يا رب تكونى بخير و فى أحسن حال
ReplyDeleteكل سنة تكونى طيبة و إلى الله أقرب إن شاء الله
متوقفة فترة رمضان و العودة بعده بإذن الله
تقبل الله منا و منكم
رمضان كريم
يا رب يكون سبب الغياب خير
ReplyDeleteوحشتينا جدا
كل سنة و حضرتك طيبة و فى أحسن حال
ملأ الله عيدكم بالسعادة
و رزقكم الحسنى و زيادة
و حبب فيكم ملائكته و عباده
تقبل الله منكم رمضان
و كل عام و أنتم بخير و إلى الله أقرب و فى طاعته أدوم إن شاء الله
عيــــــد سعيــــــد